Agindu lerroarekin lan egitea ez da dirudien bezain etsigarria. Ez dago inongo ezagupen bereziren beharrik, beste edozein bezalako programa bat besterik ez bait da. Linuxen, gauza ia guztiak egin daitezke agindu lerroa erabiliz. Naiz eta programa gehienek baduten interfaze grafikoren bat, batzuetan horrekin ez da nahikoa. Kasu hauetan bihurtzen da erabilgarri agindu lerroa.
Askotan, terminalari agindu leihoa edo shell (oskola) deitzen zaio. Aintzina, modu honetara komunikatzen ziren erabiltzaileak ordenagailuarekin; halaere, interfaze grafikoak baino azkarragoa eta erabilagarriagoa izan daitekeela aurkitu dute Linux erabiltzaileek. Hemen ikasiko duzu terminala nola erabili.
Hasiera batean, fitxategi arakatzaile modura erabilia zen terminala, eta oraindik ere hala erabiltzen da askotan. Zure fitxategiak arakatzeko eta eginak izan diren aldaketak desegiteko erabil dezakezu terminala.
ls (LiSt) aginduak fitxategiak zerrendatzen ditu kolore ezberdinaten, formato osoko testuaz.
mkdir (MaKeDIRectory) aginduak direktorio bat sortuko du
cd (Change Directory) aginduarekin direktorioz alda zaitezke
cp (CoPy) aginduarekin fitxategiak kopiatu daitezke. cp -r aginduarekin direktorioak kopiatu daitezke.
rm (ReMove) aginduarekin nahi duzun fitxategia ezaba dezakezu. rm -r aginduarekin nahi duzun direktorioa ezaba dezakezu, bere barneko guztiarekin batera.
mv (MoVe) aginduarekin nahi duzun fitxategi edo direktorioa mogitu edo izenez aldatu dezakezu.
locate aginduarekin edozein fitxategi bilatu dezakezu. Zure sisteman fitxategiak azkar aurkitzeko, indize bat darabil. Indize hau eguneratzeko sudo updatedb exekutatu. Ordenagailua piztuta badaukazu, automatikoki exekutatzen da agindu hau egunero. Botere administratiboak behar ditu agindu honek (ikusi honela deritzon atala “Erroa (root) eta Sudo”).
Komodinak erabil ditzakezu fitxategi bat edo gehiago bilatzeko, adibidez, "*" (karaktere-kate guztientzako) edo "?" (hizki baterako).
Kubuntun, agindu lerrora iristeko ohiko modua terminale bat hasieratzea da (ikusi honela deritzon atala “Terminala Abiatzen” gorago); halaere, batzuetan egiazko kontsola erabiltzea erabilgarria izan daiteke:
Sakatu Ctrl+Alt+F1 teklak lehen kontsola erabiltzeko.
Mahai-inguru modura itzultzeko, sakatu Ctrl+Alt+F7 teklak.
Sei kontsola dituzu eskuragarri. Horietako bakoitza erabiltzeko sakatu Ctrl+Alt+F1 eta Ctrl+Alt+F6 arteko tekla konbinazioak.